Tuesday, May 31, 2011

Математика со размислување

Математика со размислување е проект поддржан од БРО, УНИЦЕФ и МЦГО, за унапредување на наставата по математика, за учениците од прво до трето одделение во деветгодишно образование.
Има за цел, да ја приближи математиката до најмладите, да го поттикне учењето математика преку размислување,игра, користење на манипулативи, да го развие и подигне нивото на математичкото размислување кај најмладите ученици.
Еден дел од евалуацијата на  часовите по математика организирани во склоп на овој проект, е и часот за кој подготвив  видео, кое предлагам да го погледнете.
Часот е снимен со  учениците од прво б одделение при ООУ Сандо Масев-Струмица, со наставничката од одделенска настава Силвана Абрашева, под наслов`Нестандардни мерки за мерење`.

Thursday, May 26, 2011

Резултати од меѓународниот натпревар по математика КЕНГУР-2011год.

Честитки до наградените ученици од ООУ Сандо Масев-шесто одделение, на натпреварот Кенгур:))))

Честитки до Цветанка Манчева 6в, Даниела Митрова 6в и Ангела Манчева 6д одд.
На останатите учесници кои не освоија награда им посакувам повеќе успех следната година.

Wednesday, May 25, 2011

Конференција за унапредување на наставата по математика и природната група предмети

Денес и во следните два дена, во хотел Метропол-Охрид, се одржува Конференцијата за унапредување на наставата по математика и природната група предмети, на која учество земаат представници од универзитетот Индијана-САД, советници од БРО, истакнати наставници по математика и природната група предмети, обучувачи на наставници, како и истакнати професори од Универзитетот Св.Кирил и Методиј-Скопје и Државниот Универзитет во Тетово.
Во  пријатна и пред се работна атмосфера помина првиот ден од Конференцијата, а верувам дека истото темпо на работа ќе продолжи и во следните два дена.
Еве како започнавме......





Tuesday, May 24, 2011

Ден на сесловенските просветители

Св. Кирил и Методиј

Свети Кирил и Методиј
Свети Кирил и Методиј држејќи ја кирилицата













Свети Кирил и Методиј ( старословенски јазик: Кѷриллъ и Меѳодїи) биле византиски [3][4][5][6] браќа родени во Солун во деветиот век, кои станале мисионери на христијанството помеѓу Словените од Голема Моравија и Панонија. Преку нивната работа тие влијаеле врз културниот развој на сите Словени, поради што ја добиле титулата Апостоли на Словените. Тие се заслужни за изумување на глаголицата, првата азбука искористена да се препише старословенскиот јазик.[7] По нивната смрт, нивните ученици ја продолжуваат нивната работа и дејност помеѓу Словените. Двајцата браќа се почитувани во Источната православна црква како светци со титулата Еднакви со Апостолите. Во 1880, Папата Лав XIII ја вовел нивната слава во календарот на Римокатоличката црква. Во 1980, Јован Павле Втори ги прогласил за ко-патрони на Европа, заедно со Бенедикт Нурсијски.[6]

 Биографија

Св. Кирил и Св. Методиј Солунски се родени браќа од Солун,од угледно и богато византиско семејство, татко Лав и мајка Марија. Постариот брат, Методиј, како офицер помина десет години меѓу македонските Словени. Потоа се оддалечи на гората Олимп и се предаде на монашки подвиг. Овде подоцна му се придружи и Кирил (Константин Филозоф). Кирил и Методиј, познати како солунските браќа просветители, имаат голема улога во словенската историја. Нивното дело ги описмени словенските народи.
Споменик на Св. Кирил и Методиј близу камениот мост во Скопје
Во почетокот на IX век била веќе подготвена солидна основа за поширока и поорганизирана мисионерска активност во Западна Бугарија. Во тоа време Византиската Империја доживува нов расцут на културен план, па овој бран ги заплиснува и градовите што биле оддалечени од Цариград, посебно Солун. Во првите децении на IX век во Солун живее и семејството на висок службеник на царската власт, помошник на византискиот стратег на Солун и солунската област. Тоа бил Лав со својата сопруга Марија. Нивната народност е нејасна. Семејството имало повеќе деца, но се спомнуваат само имињата на најстариот - Методиј и најмалиот Константин. Дури не се спомнува и световното име на Методиј, кој ова го добил при замонашувањето.
Побожните родители ги упатиле своите рожби уште од најраното детство во христијанството, трудејќи се да им помогнат да ги применуваат возвишените христијански вистини во својот живот. Костантин уште од својата младост се занимавал со списите на свети Григориј Назијанзин и на Дионисиј Аеропагитски. Татко му го испратил во Цариград да го продолжи своето образование во императорското Магнаурско училиште, каде, освен богословските науки, се изучувале и граматика, аритметика, географија, астрономија, музика, поезија, реторика. Покрај овие науки, Константин учел и јазици - латински, еврејски и сириски. Откако го завршил своето високо образование, Константин бил назначен за библиотекар при црквата Света Софија, а потоа бил поставен за професор по философија во училиштето што го завршил. Тогаш го добил и името Константин Филозоф.
Како високо образовени и талентирани личности на Кирил и Методиј ќе им бидат доделувани многу тешки и одговорни задачи од страна на византискиот двор. Најпрво биле испратени во мисија кај Сарацените (Арапите) во Багдад, која како и Хазарската и Моравската мисија претставувале дел од политичката програма на Византија, чија основна цел е да ги христијанизираат Сарацените, Хазарите, Моравските Словени, Бугарите, Русите и другите народи на исток и север од Византија и да им ја наметнат византиската црковна власт. Кога хазарскиот цар Каган побара од царот Михаил проповедници на верата во Исус Христос, тогаш на заповед на царот беа пронајдени овие двајца браќа и беа испратени меѓу Хазарите. Откако го уверија Каган во верата Христова, тие го крстија овој цар и голем број негови доглавници и уште помногуброен народ. По извесно време се вратија во Цариград, каде што ја составија словенската азбука од триесет и осум букви и почнаа да ги преведуваат црковните книги од грчки на словенски.
На повик од царот Ростислав отидоа во Моравија и таму ја распространија и ја утврдија православната вера, па ги умножија книгите и им ги дадоа на свештениците за да ја подучуваат младината. А подоцна на повик од папата заминаа за Рим, каде што Кирил се разболе и умре, на 14 февруари 869 година. Тогаш Методиј се врати во Моравија и до смртта се потруди на утврдувањето на Христовата вера меѓу Словените. По неговата смрт - а тој се упокои во Господа на 6 април 885 година - неговите ученици Петочисленици, на чело со Свети Климент Охридски како епископ, го преминаа Дунав и се спуштија на југ во Македонија, каде што од Охрид продолжија да работат меѓу Словените на истото дело што го започнаа Методиј и Кирил на север.
Фреска на Светите Браќа во манастирот св. Јован Бигорски, дебарско
 
Што се однесува до Методиј, постојат мошне оскудни извори, според кои тој се здобил со световно образование и се посветил на државната и воена служба. Бил надарен со христијански добродетелен живот и државнички и воени способности. Подолго време управувал со брегалничката област и придонесол христијанството длабоко да се всади во македонската душа во тој дел на Македонија. За овој успех бил особено заслужен и неговиот брат Константин.
Мисионерската дејност на светите браќа меѓу Македонците, посебно возобновувањето и применувањето на македонската азбука е забележано во житието на Свети Наум. Ова му претходело на преведувањето на светите книги на јазикот на Македонците од солунско и на мисионерското дело меѓу западните Словени во Моравија.
Извесно време пред својата мисионерска дејност, светите браќа се повлекле во манастирот Полихрон на планината Олимп, каде всушност конечно се подготвиле за своето епохално мисионерско дело. Манастирското осамување го прекинале двапати кога биле испраќани од византиската власт од цариградскиот патријарх во мисии меѓу Сарацените и Хазарите. Овие мисии ги извршиле со голем успех. Во Краткото житие на Константин-Кирил, напишано од неговиот ученик Климент Охридски, се кажува дека Кирил открил пред Хазарскиот каган дека не потекнувал од византиски род, ами дедо му бил од хранените људе на туѓ „цар„, но побегнал во Византија.
Ростислав, кнезот на Велика Моравија, испратил молба до византискиот император Михаил III овој да испрати, епископ и учител, кој ќе им објаснува на нивни јазик вистинската христијанска вера. Изборот паднал на светите браќа. Тие биле речиси подготвени и за оваа мисија, зашто голем број од светите книги веќе ги превеле на словенски јазик. Тие избрале достојни ученици и помошници и тргнале во Моравија. Таму биле пречекани со голема радост и со големи почести. Набргу потоа отвориле училиште, во кое ги подготвувале идните свештенослужители и учители за западните словенски народи. Тука наишле на голем отпор од германски свештеници: обвинувани за ерес. Биле принудени да појдат во Рим и да го докажат своето правоверие. Во Рим биле примени со големи почасти од папата Адријан II. Тој ги одобрил словенските богослужбени книги и наредил да бидат поставени во олтарот на црквата Санта Марија Маџоре и богослужби да се вршат на словенски јазик во три римски цркви. Кирил во Рим тешко се разболел и починал на 14 февруари 869 година. Методиј епохалното мисионерско дело меѓу западните Словени го продолжува сам со помош на своите ученици, кои во Рим биле ракоположени во свештенички чин. Непријателството од германските свештеници не престанувало. Истоштен од напори и измачувања, Свети Методиј почина во Нитра, 885 година. Неговите ученици биле подложени на измачувања и прогони. Некои од нив распродадени како робови.
Делото на светите браќа по смртта на Свети Методиј паднало во голема криза, но благодарение на нивните најдаровити ученици - Свети Климент и Свети Наум, охридските светители и чудотворци, учители и просветители, ползувајќи се со својот мисионерски метод, што имал за цел да им ја објави божјата вистина на новите народи, почнувајќи ја нивната културна самобитност, останал жив образец за Светата Црква и за мисионерите на сите времиња.
Светите браќа Кирил и Методиј успеале да станат апостоли на Словените. Тие сакале да му служат на доброто на сите словенски народи и на единството на Универзалната црква. За овие и вакви свои заслуги, во своето апостолско послание egrigae virtulis папата Јован Павле II на 31 декември, 1980 година ги прогласил за ко-покровители на Европа, чиј покровител е Свети Бенедикт, прогласен од папата Павле IV на 26 октомври, 1964 година.

Thursday, May 19, 2011

Користење на апликацијата GeoGebra на часовите по математика

Активност:
Со учениците од шесто одделение, на два последователни училишни часови по математика, беше директно објаснета апликацијата Геогебра, со цел:
  • Учениците да се запознаат со можностите кои ги нуди овааа апликација, посебно во изработката на конструкции во геометријата.
  • Учениците да пробаат да ја користат директно во решавање одредени задачи од геометрија.
На општо задоволство на сите, активноста беше одлично реализирана за што говорат изработките на учениците и задоволството да се применува овој начин на конструкција.



Ова се само дел од конструкциите што моите ученици ги сработија:

Галерија изработки на учениците со GeoGebra

Saturday, May 14, 2011

ИСТРАЖУВАМЕ,РАЗМИСЛУВАМЕ,ИДЕНТИФИКУВАМЕ, ПОВРЗУВАМЕ

Активност:
ИСТРАЖУВАМЕ,РАЗМИСЛУВАМЕ,ИДЕНТИФИКУВАМЕ, ПОВРЗУВАМЕ
 Учениците од шесто одделение, на час по математика набљудуваа, поврзуваа и истражуваа постоење на четириаголници и нивните видови во околната средина.
Ја напуштивме училницата и на произволно избрани локации во градот, ја реализираа планираната активност за време од еден училишен час.
Добиените сознанија, искуства, факти и податоци ги моделираа и претставија на презентации како активност за дома.
Работеа во тимови, како за време на училишниот час така и дома.
Еве што успеаја да научат........

Четириаголник
Истражување за паралелограми
Видови паралелограми
Паралелограми

Wednesday, May 11, 2011

РТУ во електронските медиуми

Денес во терминот за попладневни вести од 17,30 часот и во вечерниот термин во 22,30 часот на ТВ канал ИНТЕЛ, се прикажува прилог за работата на РТУ-Струмица-регион Југоисток, од 10.05.2011год.
Погледнете, тоа сме ние...

 РТУ-Прилог, ТВ канал ИНТЕЛ-Струмица

Регионален тим за учење математика-југоисток

 


   Во Домот на Народна Техника, со почеток во 17 часот се одржа состанок на наставниците по математика од првата група училишта, вклучени во ПЕП проектот за основно образование, од компонентата Унапредување на наставата по математика и природната група предмети.
   Во работна и релаксирана атмосфера, преку споделување искуства и мислења, се дискутираа, образложуваа, појаснуваа и јасно-оценуваа примерите на реализираните часови од страна на наставниците учесници.
    Ако на првиот состанок на РТУ-во ноември 2010год, стартувавме несигурно и со двоумење-како да ги примениме Учењето математика преку проблеми и проекти, денес на состанокот веќе презентиравме готови продукти-реализирани часови по математика, во кои акцентот е даден на имплементацијата на проблемскиот и проектниот пристап на учење математика.
Расчистивме многу дилеми со кои се среќававме во текот на реализацијата на планираните проектни активности.Побогати сме со уште едно искуство повеќе, благодарение на нашето тимско работење, несебично помагање и координирање.
Во продолжение,еве дел од атмосферата на состанокот на РТУ.