МОЈОТ ПРОФЕСИОНАЛЕН РАЗВОЈ

Денес, на Филозофскиот факултет во Скопје, на институтот за Педагогија успешно го одбранив магистерскиот труд со наслов:

ФУНКЦИЈАТА И УЛОГАТА НА ДИРЕКТОРОТ ВО КРЕИРАЊЕТО И РАЗВОЈОТ НА ЕФЕКТИВНА ТИМСКА РАБОТА ВО ОСНОВНО УЧИЛИШТЕ

со што се стекнав со академска титула МАГИСТЕР ПО ОБРАЗОВЕН МЕНАЏМЕНТ.

Тема 4. ЧЕТИРИАГОЛНИК

        На самиот почеток на Темата 4. кратко ги освеживме знаењата од тоа какви видови четириаголници познаваме, како се означуваат тие, колку агли постојат кај секој четириаголник, зошто едни се нарекуваат правилни а други неправилни четириаголници.......
На прашањето :
Колку изнесува збирот на внатрешните агли кај правилен четириаголник?- учениците своите размислувања ги насочија во 2 насоки.

Првата насока на давање одговор на поставеното прашање беше, преку директен цртеж и мерење на внатрешните агли со помош на агломер.

Втората насока на давање одговор на поставеното прашање беше, преку користење на веќе познатиот збир на внатрешните агли кај триаголник.

Размислувањата на одделните групи ученици од 6 одделение ви ги нудиме на разгледување со кликање на линковите:
Збир на агли во четириаголник
Агли во четириаголник
Четириаголник
Презентација за четириаголник и неговите страни, агли....

РАЗМИСЛУВАМЕ,ИДЕНТИФИКУВАМЕ, ПОВРЗУВАМЕ

Идејата за спроведување на една ваква активност со идентичен наслов, на еден час по математика со моите ученици од 6 одделение, потекна од моите размислувања како наставник а насочени кон одговор на прашањето:
Дали учениците се оспособени да ги идентификуваат целосно, или пак по одделни сегменти, фактите од наставните содржини, со форми, појави и предмети од нивната блиска околина???
Обработувавме наставна содржина за бројна права, претставување на броевите, позитивни и негативни броеви......
Распоредени во 3 работни тимови, за време од еден училишен час учениците, пронајдоа, поврзаа и претставија мноштво интересни примери на проаноѓање на математиката, што е одличен показател за правилното и вистинското учење математика.

......Значи, на вистинскиот пат сме, на учење математика !!!!!

Еве како размислуваа и што идентификуваа учениците од 6д одделение:))

Во продолжение е дадено целосното објаснување и поврзување на наученото, на линкот....

Идентификуваме, наблудуваме, размислуваме...

ТРОМЕСЕЧИЕ.....Презентации во Power Point

Во продолжение, проследете ги изработките на учениците од 6 б и 6 в одделение-предлог моделите за тематски тест од Тема3. , секоја одделно дадена со линк.



https://docs.google.com/present/edit?id=0ASnydsEhMG6lZGNmc3I3enJfNTI2Y3NtNzltZ2g&hl=en

https://docs.google.com/present/edit?id=0ASnydsEhMG6lZGNmc3I3enJfNDY5Zm0zam5jZmg&hl=en

https://docs.google.com/present/edit?id=0ASnydsEhMG6lZGNmc3I3enJfNDg4NXJnd2o2Z2o&hl=en

https://docs.google.com/present/edit?id=0ASnydsEhMG6lZGNmc3I3enJfNDUzZmQyM214Zm4&hl=en

https://docs.google.com/present/edit?id=0ASnydsEhMG6lZGNmc3I3enJfNTM3aHM1enc1ZmI&hl=en

https://docs.google.com/present/edit?id=0ASnydsEhMG6lZGNmc3I3enJfNTMxY2R0cjVxYzQ&hl=en

ТРОМЕСЕЧИЕ

Во оваа трето тромесечие од учебната 2010/11 година, комплетно е обработена Тема 3. Цели и рационални броеви,со учениците од шесто одделение по предметот математика.
И како на секој крај  на темата, така и сега ги средуваме знаењата со кои се стекнаа учениците во изминатиот период, се лоцираат јаките и слабите страни во разбирањето и примената на научените факти од поедини наставни единици,се врши целосно или делумно поврзување на наученото со примери од околината или со одредени наставни предмети-јасно доколку има основа и можност за тоа.
Учениците покажаа висок степен на тимско работење-рефлектирано преку работата во тимови,хетерогени групи од по 4-5 ученика,култура на  комуникација,толеранција и почитување на различните мислења на своите соученици, знаење и умешност во самооценувањето и проценувањето на сопствените постигања и знаења од темата, оценување во парови, оценување во група и меѓу групите, како и оценување на работата на часот преку изготвување и пополнување на евалуациони листи.
И тоа не е се.....
Секогаш постои онаа...а што ако беше?....можеше ли поинаку?.....барем јас така се анализирам себеси.
И еве што како Активност на еден училишен час, реализирав заедно со моите ученици:

Активност:    Избор на задачи и подготовка на модел тематски тест 

Организација на часот:  Учениците се делат на 3-4 групи, зависно нивниот број во одделението и им се соопштува фронтално на сите групи активноста која е предвидена за реализација на часот.Во продолжение им се соопштуваат целите кои треба да се постигнат на часот.

Учениците можат да користат учебник, збирка задачи, работни листови по математика, дозволено е да употребат и сопствена имагинација и умешност во изборот, зборовната формулација и барањата на одбраните задачи кои ќе бидат ставени на предлог тестот.Предлог моделите на тематските тестови беа направени во Word документ.

Како активност за домашна работа беше изработка на PP презентација од веќе постојниот Word документ.

Резултатите и изработките на учениците, ми послужија за репер на мојот избор на задачи за тематски тест. Впрочем тоа беше и главната цел, која поставив пред себе, а истовремено и одговор на мојата дилема како наставник-Дали задачите од тестот се тешки или пак лесни за решавање на учениците?

Од реализираната активност -еден вид истражување, констатирав дека учениците на возраст од 11 год можат да разликуваат задачи по тежински нивои на когнитивно барање-што е повеќе од успех,во откривање на целите заради кои се решава дадена задача, како за мене како наставник така и за нив како ученици.

МОЈОТ МАГИСТЕРСКИ ТРУД

Горда сум на сопствената работа и залагање, на полето на личното усовршување и стремеж кон едукативна надградба.
Патот до успехот ,бара многу труд и подршка од семејството, која јас за моја голема среќа ја имав во изобилство.

И во слободното време......МАТЕМАТИКА :)))

КОНЕЧНО ВИКЕНД!!!!
Знам дека со нетрпение ги очекувате деновите за одмор-деновите од викендот. Ги користите за забава, дружење,слушање музика,.......
А ха, сигурно помисливте дека заборавив на седењето пред компјутер со часови....Не, не никако!!
Еве нешто многу интересно-барем така мислам, кое-јасно,пак е  математика.
За малку ке заборавев.....на подолу постираниот линк имате и други интересни активости од други области на  науката, па доколку имате голема желба и време за сурфање кликнете на линкот.......


http://developer.wolframalpha.com/widgets/gallery/category/?cat=math